Advance Resources Consulting Group Offer HR Outsouring Payroll System, Recruitment, Secondment, Temp & Contract Staffing

HR 專家分享與90後共事心得 (2017年2月18日壹傳媒訪問)

2017年2月18日超越人事顧問有限公司董事接受壹傳媒訪問

經營人事公司逾二十年的Alex,專門負責為政府部門、銀行及中小企等機構聘請員工,他直指現時香港失業率低,「工搵人」多過「人搵工」,見過有公司「左揀右揀」,都不肯聘請90後員工,令公司發展停滯不前,「唔少公司執埋!」

Alex表示,現時公司求職者大部份皆為九十後,對他們的缺點瞭如指掌:「相對係唔太主動、溝通能力較差、做嘢唔夠細心,但係依啲都係年輕人嘅通病,唔係90後獨有特質。」他亦收過不少客戶投訴:「好似朝早返工,九點嗰時出現,但食晏時就唔見咗,客戶就打嚟話A君喺邊,一直都聯絡唔到佢,其實係唔想打依份工,但又冇通知。」

他就指,對於這些僱主認為的「惡行」已習以為常,認為與其一味謾罵,不如發掘他們的優點。Alex為更了解年青人的想法,公司八成的員工都是90後,他就指聘用他們亦有不少好處:「佢哋社交平台認識絕對比我哋好,公司開Facebook account,佢哋都俾咗好多建議。」

為了更切合年青人的需要,公司不少政策都改變,如彈性上班及午饍時間、運動津貼、五天工作周等等。對於企業強制要求員工參加公司活動,他就不建議:「要員工星期六、日參加公司的活動,係好困難,所以好多公司都會推動喺辦公時間去做,或者以補假形式。」

他補充,以目前香港情況,很多工作「應徵者正正常常已經請」,不少企業對90後的看法已有改善,但仍然有公司不願聘請90後:「咁對間公司發展係好局限,因為依個原因而結業都會有,尤其是中小企比例會高啲!」