What's New
超越顧問集團董事廖偉強先生接受壹週PLUS訪問
本公司董事廖偉強(ALEX LIU)接受壹週PLUS訪問，ALEX經營人事公司逾二十年，專門負責為政府部門、銀行及中小企等機構聘請員工，他直指現時香港失業率低，「工搵人」多過「人搵工」，見過有公司「左揀右揀」，都不肯聘請九十後員工，令公司發展停滯不前，「唔少公司執埋！」
ALEX表示，現時公司求職者大部份皆為九十後，對他們的缺點瞭如指掌：「相對係唔太主動、溝通能力較差、做嘢唔夠細心，但係依啲都係年輕人嘅通病，唔係九十後獨有特質。」他亦收過不少客戶投訴：「好似朝早返工，九點嗰時出現，但食晏時就唔見咗，客戶就打嚟話A君喺邊，一直都聯絡唔到佢，其實係唔想打依份工，但又冇通知。」
他就指，對於這些僱主認為的「惡行」已習以為常，認為與其一味謾罵，不如發掘他們的優點。ALEX為更了解年青人的想法，公司八成的員工都是九十後，他就指聘用他們亦有不少好處：「佢哋社交平台認識絕對比我哋好，公司開Facebook account，佢哋都俾咗好多建議。」
為了更切合年青人的需要，公司不少政策都改變，如彈性上班及午饍時間、運動津貼、五天工作周等等。對於企業強制要求員工參加公司活動，他就不建議：「要員工星期六、日參加公司的活動，係好困難，所以好多公司都會推動喺辦公時間去做，或者以補假形式。」
他補充，以目前香港情況，很多工作「應徵者正正常常已經請」，不少企業對九十後的看法已有改善，但仍然有公司不願聘請九十後：「咁對間公司發展係好局限，因為依個原因而結業都會有，尤其是中小企比例會高啲！」
訪問影片:https://www.youtube.com/watch?v=W0J3yDiI6PM
超越顧問集團員工接受壹週PLUS訪問
從事會計工作的JIMMY憶述，第一份工受到上司「高壓」監管，做了九個月就受不住要辭職：「因為嗰份工有啲文件係保密嘅，我就要喺一間長期上鎖嘅房做嘢，變成只係對住兩三個人，仲要成日OT，一企喺身上司就會睇到你做緊啲乜。」
他解釋，由於上司的座位設置在員工身後，令他感到長期受到監管：「好容易會俾上司發現睇緊其他嘢，但有時可能同工作有關。好似早排出嘅施政報告，依啲新聞其實都同我的工作有關，睇吓新聞其實都唔係玩，對自己、公司同客溝通都有幫助。」
JIMMY指轉工後，工作環境才改善：「我覺得最重要就係work-life balance，依方面都同公司發展好配合，希望多啲時間可以陪屋企人，或者發展自己興趣。」而另一員工EMMA就表示：「希望有多啲工作機會，可以接觸得到唔同類型嘅工作！」
他們的上司ALEX就指，導致年輕人抗壓能力低，溝通能力欠佳，其實家長是主因之一：「依家啲家長太過關心子女，當然係愛佢，但有時會變咗害佢！」他指家長陪見工、上班及辭職已累見不鮮，最誇張是家長如客戶般投訴：「佢問：『我個仔間公司，老闆點解咁同佢講嘢？點解要坐個嗰位？隔離同事個位比較闊，放嘢會比較好，可唔可以調位？」最後唯有建議家長為兒子選擇另外一份工作。他補充，不久「2000後」將開始找工作，預料家長的問題將會更嚴重：「家長係需要改變的，控制得太多對仔女都唔好。」
訪問影片:https://www.youtube.com/watch?v=ohMZo6avWDs
Sharing from our Principal Consultant Jennifer Tam
Sharing from our Principal Consultant Jennifer Tam (2017)
